விஷால் நடிப்பில் உருவாகும் விஷால்31 ஆவது பட த்தின் படப்பிடிப்பு இன்று பூஜையுடன் தொடங்கப்பட்டுள்ளது.
தமிழ் சினிமாவில் முன்னணி நடிகர்களில் ஒருவராக இருப்பவர் நடிகர் விஷால். இவரது நடிப்பில் சக்ரா படம் வெளியாகி ரசிகர்களிடையே நல்ல வரவேற்பு பெற்றது. இந்தப் படத்தைத் தொடர்ந்து, விஷால், ஆர்யா, பிரகாஷ் ராஜ், மிருணாளினி ரவி ஆகியோர் பலரது நடிப்பில் உருவாகியுள்ள எனிமி படமும் விரைவில் வெளியாக இருக்கிறது. அரிமா நம்பி படத்தை இயக்கிய இயக்குநர் ஆனந்த் சங்கர் இந்தப் படத்தை இயக்கியுள்ளார்.
இந்த நிலையில், இந்தப் பட த்தைத் தொடர்ந்து விஷால் நடிக்கும் அவரது 31ஆவது படமான விஷால்31 ஆவது பட த்தின் படப்பிடிப்பு இன்று பூஜையுடன் தொடங்கப்பட்டுள்ளது. இந்த இக்கட்டான சூழ்நிலையிலும் விஷால்31 படத்தின் படப்பிடிப்பு தொடங்கப்பட்டுள்ளது குறித்து பலரும் விமர்சனம் செய்து வருவதாக கூறப்படுகிறது.
நாளுக்கு நாள் அதிகரித்து வரும் கொரோனா 2ஆவது அலை காரணமாக சினிமா பிரபலங்கள் பலரும் பாதிக்கப்பட்டு, உயிரிழந்து வருகின்றனர். திரையரங்குகளும் மூடப்பட்டுள்ள நிலையில், படப்பிடிப்பு தொடங்கப்பட்ட து அனைவரையும் அதிர்ச்சியடைச் செய்துள்ளது. எனினும், பாதுகாப்பு முன்னெச்சரிக்கை நடவடிக்கையுடனே படப்பிடிப்பு தொடங்கப்பட்டுள்ளதாக கூறப்படுகிறது.
31ஆவது படத்தை குறும்பட இயக்குநர் து.ப. சரவணன் இயக்குகிறார். இவர், விஷால்31 படத்தின் மூலமாக தமிழ் சினிமாவில் இயக்குநராக அறிமுகமாகிறார். குள்ளநரி கூட்டம் மற்றும் தேன் ஆகிய படங்களில் உதவி இயக்குநராகவும் து.ப.சரவணன் பணியாற்றியுள்ளார்.
ஒரு சாதாரண நடுத்தர குடும்பத்தில் பிறந்த ஹீரோ, அதிகாரத்தை தவறாக பயன்படுத்துபவர்களை எதிர்த்து போராடும் கதையே மையப்படுத்தி விஷால்31 படம் உருவாக இருக்கிறது. யுவன் சங்கர் ராஜா இந்தப் படத்திற்கு இசையமைக்கிறார். பாலசுப்பிரமணியம் இந்தப் படத்திற்கு ஒளிப்பதிவு செய்கிறார் என்பது குறிப்பிடத்தக்கது.
ஏற்கனவே வரும் ஆகஷ்ட் மாதம் விஷால்31 படம் வெளியாகும் என்று அறிவிப்பு வெளியாகியிருந்த து என்பது குறிப்பிடத்தக்கது. ஆகஸ்ட் மாதம் என்றால், ஆகஸ்ட் 15 சுதந்திர தினத்தை முன்னிட்டு வெளியாகும் என்று எதிர்பார்க்கப்படுகிறது.
