முதல்வர் மு.க.ஸ்டாலினின் 2 திட்டங்களை சுட்டிக் காட்டி இயக்குநர் ஷங்கர் வாழ்த்து!
முதல் முறையாக தமிழக முதல்வராக பொறுப்பேற்றுள்ள மு.க.ஸ்டாலினுக்கு இயக்குநர் ஷங்கர் டுவிட்டர் மூலமாக வாழ்த்து தெரிவித்துள்ளார்.

தமிழகத்தில் நடந்து முடிந்த 16ஆவது சட்டமன்ற தேர்தலில் திமுக 125 இடங்களில் வெற்றி பெற்று தனிப்பெருமான்மையுடன் ஆட்சியை கைப்பற்றியது. இதையடுத்து, முதல் முறையாக தமிழக முதல்வராக மு.க.ஸ்டாலின் இன்று பதவியேற்றார். அவருடன் இணைந்து 33 அமைச்சர்களும் பதிவி ஏற்றுக் கொண்டனர்.

முதல் முறையாக தமிழக முதல்வரான மு.க.ஸ்டாலினுக்கு அரசியல், சினிமா பிரபலங்கள் பலரும் வாழ்த்து தெரிவித்த வண்ணம் இருக்கின்றனர். ஆனால், இயக்குநர் ஷங்கரோ ஒருபடி மேலே சென்று, முதல்வரின் 2 திட்டங்களை சுட்டிக் காட்டி வாழ்த்து தெரிவித்துள்ளார். இது குறித்து இயக்குநர் ஷங்கர் டுவிட்டரில் கூறியிருப்பதாவது:

தமிழக முதல்வராக பதவி ஏற்றுள்ள மு.க.ஸ்டாலினின் அவர்களுக்கு வாழ்த்துக்கள். முதல்வரின் காப்பீடு திட்டத்தின் கீழ் தனியார் மருத்துவமனைகளில் கொரோனாவுக்கு சிகிச்சை பெற்றுக் கொள்ளும் திட்டத்திற்கும், நகர பேருந்துகளில் மகளிர் இலவசமாக பயணிக்கும் திட்டத்திற்கும் கையெழுத்திட்டதை சுட்டி காட்டி பாராட்டு தெரிவித்துள்ளார் என்பது குறிப்பிடத்தக்கது.